Минутки писателя "Каляровыя месяцы"

Чарговая сустрэча з выхаванцамі дзіцячага садка №1 пад назвай "Каляровыя месяцы" была прысвечана 100-гадоваму юбілею беларускай пісьменніцы Клаўдзіі Каліны.

 Святлана Валер'еўна расказала дзеткам аб жыцці і творчасці Клаўдзіі Канстанцінаўны. А затым хлопчык Васілёк прачытаў ім цікавую казку "Зімовы дуб", якая вельмі спадабалася малым. 

 

Літаратурная гадзіна "З любоўю гаворым пра тату"

#ЧароўнаяСкарбонка

 Сёння ў дзіцячым садку №1 прайшло мерапрыемства, прысвечанае Дню бацькі. Гэтае свята ў нашай краіне адзначаецца 21 кастрычніка. Маленькіх сяброў мы запрасілі на літаратурную гадзіну "З любоўю гаворым пра тату".

 Вельмі многа цікавых апавяданняў і вершаў напісана пра тату беларускімі пісьменнікамі. Бібліятэкары разам з хлопчыкам Васільком чыталі дзеткам вершы Л. Пранчака і Н. Галіноўскай, а затым Святлана Валер'еўна прачытала цікавую гісторыю з кніжкі Л. Рублеўскай "Прыгоды мышкі Пік-Пік" пра тое, як тата лячыў мышку.

Пазнавальная гадзіна "Праз стагоддзі ідзе святло"

 Напярэдадні Дня беларускага пісьменства мы запрасілі ў бібліятэку вучняў 8 "А" класа на пазнавальную гадзіну "Праз стагоддзі ідзе святло". Культурнае жыццё нашай краіны ўжо нельга ўявіць без Дзён пісьменства, якія штогод праходзяць у рэгіёнах Беларусі.

Сёлета свята адбудзецца ў горадзе Ліда Гродзенскай вобласці. Наталля Мікалаеўна расказала дзецям пра гістарычна-культурную самабытнасць горада і вядомых людзях Лідчыны.

 Галоўнай канцэпцыяй свята пісьменства з'яўляецца паказ адзінства беларускага друкаванага слова з гісторыяй і культурай беларускага народа.

Літаратурнае знаёмства "Сакрэты колераў вясёлкі"

#ЧароўнаяСкарбонка

 Сёння ў дзіцячым садку №1 адбылося літаратурнае знаёмства "Сакрэты колераў вясёлкі", якое было прысвечана 85-годдзю беларускага пісьменніка Уладзіміра Сцяпанавіча Ліпскага.

 Маленькія сябры даведаліся аб жыцці і творчасці Уладзіміра Сцяпанавіча .

 Святлана Валер'еўна запрасіла дзетак паслухаць цікавае апавяданне пра дзяцей "Цацкі". Затым нашы сябры пагулялі ў гульню "Так ці не?" і адказалі на пытанні.

Громкае чытанне Я. Пархута "Ластаўчыны дзеткі"

Сваіх маленькіх сяброў з дзіцячага садка №1 бібліятэкары пазнаёмілі з творчасцю беларускага пісьменніка Я. Пархуты, 95-годдзе з дня нараджэння якога адзначалася ў пачатку сакавіка месяца. 

 Пісьменнік пісаў цікавыя казкі для дзяцей. З адной з іх хлопчык Васілёк і пазнаёміў дзетак. Ён прачытаў казку "Ластаўчыны дзеткі". Малыя з задавальненнем яе паслухалі, а затым адказалі на пытанні.

Свята "Сцяжынкамі роднай мовы"

 

#ЧароўнаяСкарбонка

 Да Міжнароднага дня роднай мовы бібліятэкары разам з хлопчыкам Васільком правялі свята "Сцяжынкамі роднай мовы" ў дзіцячым садку №1.

 Малыя адправіліся ў цікавае падарожжа па творах Рыгора Барадуліна. Сёлета адзначаецца 90-годдзе з дня яго нараджэння.

 Дзеткі з задавальненнем слухалі вершы пра дзяўчынку Лану, пазнаёміліся з азбукай "Вясёлы вулей", а яшчэ палічылі з дапамогай сваіх пальчыкаў кошак з верша "Колькі кошак у кашы?"

Кніжнае падарожжа "Снежныя старонкі зімніх казак"

#ЧароўнаяСкарбонка

 Наша апошняя сустрэча ў гэтым годзе з выхаванцамі дзіцячага садка №1 у межах праекта "Чароўная скарбонка" была прысвечана зімовым казкам.

 Мы запрасілі іх у цікавае падарожжа і пабывалі ў трох казачных краінах. Малыя пазнаёміліся з новымі казачнымі сябрамі: ганарлівай елачкай, хлапчуком Сяргейкам і Дзедам Марозам, а яшчэ са сняжынкай.

Дзеткі з задавальненнем паслухалі цікавыя казкі і адказалі на пытанні.

Літаратурнае знаёмства "Хто робіць пагоду?"

#ЧароўнаяСкарбонка

 Сёння мы зноў былі ў гасцях у дзіцячым садку №1. Тут адбылося літаратурнае знаёмства "Хто робіць пагоду?" з творчасцю пісьменніка-земляка Максіма Лужаніна. У гэтым годзе мы адзначаем яго 115 -гадовы юбілей.

 Дзеткам бібліятэкары прачыталі ўрыўкі з казкі "Хто робіць пагоду", падзеі якой адбываюцца ў краіне Салодкага Сну. У ёй маленькі хлопчык Міхалка сустракаецца са стыхіямі, якія адбываюцца ў прыродзе.

Паэтычная вандроўка "Крочым родным краем, фарбы ўсе збіраем"

#ЧароўнаяСкарбонка

 Сваіх маленькіх сяброў з дзіцячага садка №1 мы запрасілі на паэтычную вандроўку "Крочым родным краем, фарбы ўсе збіраем", пагартаць старонкі цудоўных маляўнічых кніг Уладзіміра Мінавіча Мазго, які ў гэтым годзе адзначыў свой 65-гадовы юбілей.

 Уладзімір Мінавіч вельмі любіць пісаць для дзяцей, бо яны - самыя шчырыя і ўдзячныя чытачы.

 На вершы паэта напісана шмат песень. Асобныя яго творы перакладзены на іншыя мовы, уключаны ў падручнікі, хрэстаматыі. На свяце Дня беларускага пісьменства і друку, якое сёлета праходзіла ў Івацэвічах, У. Мазго атрымаў першае месца ў намінацыі "Лепшы твор для дзяцей і юнацтва" за кнігу "Загадка - розуму зарадка".

Поэтические странички "Маіх радкоў няма без Беларусі"

Мы з гонарам можам сказаць, што наша Салігоршчына знакаміта вядомымі беларускімі пісьменнікамі і паэтамі.

Ярка ззяе на небасхіле беларускай літаратуры зорка нашай зямлячкі - Валянціны Аколавай. Фальклорныя сюжэты, гістарычныя матывы, дарогі маладосці і драматызм кахання, лірычныя вобразы роднай вёскі Мазуршчына - усё гэта ў вершах Валянціны Аколавай.

 На зладжаных у бібліятэцы паэтычных старонках "Маіх радкоў няма без Беларусі", прысвечаных 70-годдзю з дня нараджэння В. Аколавай, бібліятэкары пазнаёмілі сваіх чытачоў з творчасцю паэткі і з задавальненнем чыталі яе цудоўныя вершы.

Літаратурнае асарці "Цудоўная краіна Васіля Жуковіча"

#ЧароўнаяСкарбонка

 Сваіх маленькіх сяброў з дзіцячага садка №1 бібліятэкары знаёмілі з творамі беларускага пісьменніка Васіля Аляксеевіча Жуковіча, які ў верасні гэтага года будзе адзначаць свой 85-гадовы юбілей. 

 Многія вершы, напісаныя Васілём Аляксеевічам, прысвечаны дзецям, іх клопатам, забавам і прыгодам, радасцям і засмучэнням, марам і жаданням.

 Хлопчык Васілёк прапанаваў малым паслухаць вершы, лічылкі, скорагаворкі.

 Святлана Валер'еўна пагуляла з дзеткамі ў гульню "Дождж", пад час якой яны спрабавалі адгадаць і паказаць сваімі пальчыкамі, які бывае дождж.

Гучнае чытанне казкі Г. Аўласенкі "Мядзведзь і пчолы"

#ЧароўнаяСкарбонка

Сёння сваіх маленькіх сяброў з дзіцячага садка №1 мы пазнаёмілі з беларускім пісьменнікам Генадзем Аўласенкам.

Хлопчык Васілёк прачытаў дзеткам казку Генадзя Пятровіча "Мядзведзь і пчолы". Малыя з задавальненнем яе паслухалі і адказалі на пытанні.

Напрыканцы сустрэчы пагулялі ў пальчыкавую гульню "Пчолкі". 

 

Книжная лотерея "Анютины сказки"

 Никогда не знаешь, где встретишь новых друзей. У нашей библиотеки их много. И это не только наши читатели, соседи и гости. Благодаря соцсетям, мы обрели много новых виртуальных друзей.  И среди них - наши коллеги-библиотекари и даже писатели. Мы рады давней дружбе с прекрасной детской писательницей из Пинска - Анной Климович. Нам всегда приятно знать, что она следит за нашей работой и радуется нашим успехам. Анна! Привет! 

Но история этой дружбы получила продолжение очень приятное для нас. 

Наша библиотека приняла участие в книжной лотерее "Анютины сказки", которую организовала Анна Климович. И УРА!!! Мы вошли в десятку счастливчиков, которых выбрал генератор случайных чисел.

Минутки радостного чтения "Кніга шукае сябра"

У нашай бібліятэцы шмат цікавых. займальных кніг. І кожная з іх хоча знайсці сябра-чытача. Вось бібліятэкары і стараюцца пазнаёміць нашых наведвальнікаў з новымі кнігамі, якія нясуць радасць і добры настрой, а яшчэ вучаць рабіць добрыя ўчынкі.

Сёння Святлана Валер'еўна запрасіла нашых маленькіх сяброў з дзіцячага садка №2 на сустрэчу з кнігай вядомай беларускай пісьменніцы Алены Стэльмах "Папяровы самалёцік".

Литературное знакомство "Лина Богданова"

На литературное знакомство с Линой Богдановой (Галиной Анатольевной Богдан) - прозаиком, членом Союза писателей Беларуси и членом Союза писателей Союзного государства России и Беларуси мы пригласили восьмиклассников.

Светлана Валерьевна рассказала ребятам о жизни и творчестве Лины Богдановой, а также познакомила их с книгами серии "В контакте" и "Тусовка.by".

Все книги серии "В контакте" особенные - интерактивные. Каждый эпизод - короткая история из жизни школьников, сопровождаемая размышлениями и советом окружающих.

Гадзіна беларускай кнігі "Павучок Славік"

Да Тыдня роднай мовы вучняў 1"В" класа Святлана Валер'еўна запрасіла на гадзіну беларускай кнігі.

Дзеці з задавальненнем паслухалі цікавую казку "Павучок Славік" вядомай беларускай пісьменніцы Алены Стэльмах.

Пачыталі кніжку, пазнаёміліся Павучком, ён вельмі ўпадабаў месцейка ля акна, за фіранкай. Там было светла і ўтульна.

А вы ведаеце, колькі ў павучка лапак? А мы палічылі, у нашага Славіка - восем.

 

Свята мовы "Цудоўная родная мова"

На чарговай сустрэчы з выхаванцамі дзіцячага садка №1, прысвечанай Міжнароднаму дню роднай мовы, прайшло свята "Цудоўная родная мова".

Бібліятэкары чыталі вершы пра нашу мілагучную беларускую мову з часопісаў "Вясёлка".

Хлопчык Васілёк запрасіў пагуляць дзяцей у гульні "Назаві дрэва па лісточку", "Пазнай жывёлу па апісанні" і "Праўда і хлусня".

На прыканцы сустрэчы дзеці разгадвалі беларускія загадкі, і з заданнямі яны паспяхова справіліся.

Наша краіна самая лепшая, і жывуць тут самыя прыгожыя, самыя вясёлыя хлопчыкі і дзяўчынкі.

Хвілінка пісьменніка "Сцяжынкамі дабрыні"

#ЧароўнаяСкарбонка

Хвілінка пісьменніка "Сцяжынкамі дабрыні".

Чарговая сустрэча з выхаванцамі дзіцячага садка № 1 была прысвечана беларускаму пісьменніку Васілю Хомчанку, юбілей якога адзначаўся ў студзені гэтага года.

Наталля Мікалаеўна крышачку расказала дзеткам пра жыццё і творчасць пісьменніка, а затым хлопчык Васілёк прачытаў апавяданне "Яблык".

Малыя ўважліва паслухалі апавяданне і з задавальненнем адказалі на пытанні хлопчыка Васілька.

Паэтычныя хвілінкі "Колькі ў вожыка калючак"

#ЧароўнаяСкарбонка

Сёння бібліятэкары разам з хлопчыкам Васільком завіталі ў дзіцячы садок №1 на паэтычныя хвілінкі "Колькі ў вожыка калючак", каб пазнаёміць дзяцей з творчасцю вядомага беларускага пісьменніка Казіміра Камейшы.

4 снежня пісьменнік адзначыў сваё 80-годдзе.

Лепшыя творы К.Камейшы для дзяцей сабраны ў кнізе "Крыгагром". Вось з імі і пазнаёміліся дзеці. Гучалі вершы пра першы снег, Новы год, пра падарункі.

Вандроўка па кнізе Леаніда Пранчака "Мама, тата і Агата"

#ЧароўнаяСкарбонка

Сёння бібліятэкары разам з Васільком завіталі ў дзіцячы садок №1, каб запрасіць дзяцей старэйшай групы ў цікавую вандроўку па кнізе Леаніда Пранчака "Мама, тата і Агата". 11 лістапада гэтаму беларускаму пісьменніку споўнілася 65 гадоў. 

Многа твораў Леанід Іванавіч прысвяціў сваёй роднай Ляхаўшчыне, дзе ён нарадзіўся і рос, сваім працавітым землякам, якія ўмеюць ствараць сваімі рукамі прыгожыя рэчы. Васілёк пазнаёміў дзяцей з вершамі "Саматканая дзяружка", "Ручнік" і "Саламяны капялюш". Дзеці даведаліся, як у былыя гады гэтыя рэчы прымянялі.