Краязнаўчыя хвiлiнкі "Падарожжа ў сялянскую хату"

 

Уздыхаць па старых рэчах, вяртацца да старога ўкладу жыцця не варта,

але ведаць, як жылі нашы дзяды-прадзеды, трэба. Вось таму сёння мы запрасiлi вучняў 4"В" класа да нас у краязнаўчы куток "З куфэрка даўнiны".

Тут яны прынялi ўдзел у краязнаўчых хвiлiнках "Падарожжа ў сялянскую хату".

 Вольга Валер'еўна пазнаёмiла дзяцей з беларускiмi прыладамi, якiя гаспадыня выкарыстоўвала ў сваiм паўсядзённым жыццi: маслабойка, пранiк, качалка, валок, праснiца, верацяно.

Яна расказала, якiмi справамi займалiся нашы продкi, якое адзенне насiлi.

Нашы госцi паспрабавалi сябе ў ролi гаспадынi: цi лёгка выцягнуць чыгунок з печы, альбо прасаваць адзенне валком. Цiкавае атрымалася падарожжа.