Сёння да нас у госці завіталі нашы маленькія сябры з дзіцячага садка №1. Не гледзячы на тое, што дарога далёкая, і на вуліцы зябка, настрой у дзетак быў выдатны. А ў нашай бібліятэцы - цёпла і ўтульна, а яшчэ шмат цікавага і пазнавальнага.
Бібліятэкары прапанавалі дзеткам пазнаёміцца з бібліятэкай і правялі экскурсію "Кніжны церамок". Нашы маленькія сябры вельмі цікаўныя: зазірнулі ў кожны куток, і кожны знайшоў там для сябе нешта захапляльнае.
На развітанне мы зрабілі падарунак гасцям. Казку "Зайкава хатка" ведаюць усе, але ўбачыць яе ў пастаноўке тэатра ценяў малым яшчэ не прыходзілася. Сюрпрыз атрымаўся - казка вельмі спадабалася.
Толькі развіталіся, а мы ўжо чакаем наступную сустрэчу.
Комментариев нет:
Отправить комментарий