Пазнавальныя хвілінкі "І восень на прызбу ступіла..."

Сваіх маленькіх сяброў з дзіцячага садка № 2 мы запрасілі на пазнавальныя хвілінкі " І восень на прызбу ступіла..."
На імправізаваным "аўтобусе" ўсе разам адправіліся ў казачны восеньскі лес да Мудрай Савы, якая прыгатавала для малых многа цікавых гульняў і заданняў.
Хлопчыкі і дзяўчынкі з задавальненнем выконвалі заданні Мудрай Савы:
* называлі прыкметы восені;
* адказвалі, з якога дрэва трымаюць у руцэ лісток;
* удзельнічалі ў фізкультхвілінцы;
* адказвалі на пытанні віктарыны;
* адгадвалі восеньскія загадкі.
 Мерапрыемства прайшло ў атмасферы цяпла, радасці і дзіцячага смеху.