Паэтычныя арэлі "Снегіры, сінічкі! Сыплю вам пшанічкі..."

#ЧароўнаяСкарбонка

Чарговая сустрэча з выхаванцамі дзіцячага садка №1 была прысвечана святкаванню Тыдня роднай мовы.  Для кожнага чалавека родная мова самая любая, самая мілагучная і самая прыгожая. Таму патрэбна любіць і шанаваць яе, спяваць і гуляць, размаўляць і чытаць на сваёй роднай мове.

Святлана Валер'еўна разам з Васільком запрасілі дзетак у цікавае падарожжа па кніжцы беларускага паэта С. Шушкевіча "Птушыны ранак".

Дзеці з задавальненнем слухалі вершы пра хатніх і пералётных птушак, а таксама пра тых, якія застаюцца зімаваць. Напрыканцы сустрэчы пагулялі ў гульню "Бусел".