Літаратурнае асарці "Кошык, поўненькі дабрыні"

#ЧароўнаяСкарбонка

Хлопчык Васілёк разам са Святланай Валер'еўнай наведаў дзіцячы садок №1, каб пазнаёміць сваіх сяброў з творамі беларускага пісьменніка Міколы Чарняўскага, які 16 студзеня 2023 года адзначыў свой 80-гадовы юбілей.

З гэтай нагоды бібліятэкары падрыхтавалі літаратурнае асарці "Кошык, поўненькі дабрыні".

Дзеці з задавальненнем слухалі вершы Міколы Чарняўскага і адказвалі на пытанні. Васілёк правёў для малых фізкультхвілінку, а напрыканцы сустрэчы нашы маленькія сябры адгадвалі загадкі, знаходзячы адгадкі ў кошыку.