Литературно-познавательные минутки "Для дзетак-чамучак"

#ЧароўнаяСкарбонка

Сёння нашы бібліятэкары наведаліся зноў да сваіх маленькіх сяброў з дзіцячага садка №1 і падрыхтавалі літаратурна-пазнавальныя хвілінкі "Для дзетак-чамучак".

Святлана Валер'еўна пазнаёміла іх з зімовымі вершамі беларускага пісьменніка Валянціна Антонавіча Лукшы, 85-гадовы юбілей якога мы адзначаем у гэтым годзе.

Дзеткі з цікавасцю слухалі вершы і адказвалі на пытанні. А яшчэ мы ўсе разам успомнілі пра любімае зімовае свята - Новы год і пра беларускага Дзеда Мароза, які жыве ў сваім маёнтку ў Белавежскай пушчы.

Нашы маленькія сябры расказалі, якія падарункі яны мараць атрымаць ад Дзеда Мароза.

Напрыканцы сустрэчы разам з Васільком малыя пагулялі ў гульню "Мароз".

Наша наступная сустрэча ўжо ў новым годзе.