Часопісныя хвілінкі "Пазнаёмцеся з "Вясёлкай"

Часопісныя хвілінкі "Пазнаёмцеся з "Вясёлкай"

Наша чарговая сустрэча з дзеткамі з дзіцячага садка №1 была прысвечана юбілею беларускага часопіса для дзяцей "Вясёлка". У гэтым годзе яму споўнілася 65 гадоў!  Ён знаёміць маленькіх чытачоў з прыродай, культурай і гісторыяй нашай краіны. На старонках выдання таксама публікуюць творы многіх знакамітых беларусаў.

Бібліятэкары пазнаёмілі дзетак з часопісам, расказалі пра Васіля Вітку, які заснаваў "Вясёлку" і прыдумаў Васю Вясёлкіна.

 Дарэчы Вася Вясёлкін таксама завітаў на мерапрыемства, ён пазнаёміўся з малышамі і прадставіў ім часопіс. Дзеткі ўспомнілі колеры вясёлкі, слухалі вершы з часопіса і адгадалі "вясёлкавыя" загадкі.  І самае галоўнае - так прыемна пагартаць самім такія яркія, прывабныя старонкі цікавага часопіса. Знаёмства адбылося!  І будзе працягвацца далей ужо ў наступных сустрэчах. Дзеці сказалі, што будуць чакаць нас у госці разам з Васем Вясёлкіным і "Вясёлкай".