Паэтычная акцыя "Купалаўскі вянок"

#КупалаКоласюбілей

7 ліпеня 1882 года ў фальварку Вязынка пад Мінскам з'явіўся на свет Іван Дамінікавіч Луцэвіч, вядомы ўсім, як Янка Купала - будучы класік беларускай і сусветнай літаратуры, народны паэт Беларусі.

 З гэтай нагоды наша бібліятэка правяла 7 ліпеня паэтычную акцыю "Купалаўскі вянок". На працягу дня нашы наведвальнікі чыталі вершы Купалы і "плялі" паэтычны вянок: на спецыяльнай дошцы прымацоўвалі кветачкі. Атрымалася прыгожа. 

Прынялі ўдзел у акцыі і нашы маленькія наведвальнікі з дзіцячага садка №2. Прачытаць вершы Купалы самі дзеткі не змаглі, але прымацоўвалі кветачкі спраўна пасля таго, як паслухалі вершы ў выкананні бібліятэкараў і выхавацеляў.