Адкрыты занятак "Краіна паэзіі"

#ЧароўнаяСкарбонка

Вось і падышоў да канца наш сумесны з дзіцячым садам №1 праект "Беларускія паэты - дзецям". Было шмат цікавых сустрэч і знаёмстваў. Разам з нашымі маленькімі сябрамі мы і самі даведаліся шмат новага. А галоўнае - мы знайшлі новых добрых сяброў. 

 А сёння была выніковая сустрэча, сапраўднае свята беларускай мовы пад назвай "Краіна паэзіі". Вядучы свята - Бульбашык, прынёс з сабою Чароўны куфэрак і папрасіў дзяцей яму дапамагчы разабрацца з тымі рэчамі, што ляжалі ў куфэрку. А што ж там было? Канверты з заданнямі!

Дзеткі - вялікія малайцы! З заданнямі справіліся выдатна. І за гэта атрымалі сапраўдныя медалі.

А бібліятэкары яшчэ раз паказалі "тэатр на далоні" - казку Максіма Танка "Жук і слімак".