Вершаваныя чытанні "Для дзетак беларусаў"

#ЧароўнаяСкарбонка

2022 год - год юбiлеяў нашых славутых суайчыннiкаў, чыiмi iмёнамi мы маем права ганарыцца. Споўніцца 140 гадоў з дня нараджэння двух класiкаў беларускай лiтаратуры Янкi Купалы i Якуба Коласа. З гэтай нагоды ў нас у бібліятэцы ўвесь год будуць праходзіць святочныя мерапрыемствы. Чакаем вас, сябры. Сачыце за анонсам.

А першая святочная сустрэча да 140-годдзя з дня нараджэння Якуба Коласа прайшла ў дзіцячым садку №1. Святлана Валер'еўна разам з Васільком ладзілі там вершаваныя чытанні "Для дзетак беларусаў". Чыталі зімовыя вершы Коласа, гулялі ў гульню "Зіма - гэта добра ці дрэнна?" 

Наш Васілёк вельмі разумны хлопчык, шмат ведае і цікава распавядае. Дзеткі з задавальненнем слухалі гісторыю пра дзяцінства Якуба Коласа ў яго выкананні.

Чакаем наступнай сустрэчы.