Літаратурна-пазнавальны калейдаскоп "Усе колеры вясёлкі"

Сёння адбылася чарговая сустрэча бібліятэкараў з нашымі маленькімі сябрамі з дзіцячага садка №1. Мы прысвяцілі яе 110-годдзю з дня нараджэння вядомага беларускага дзіцячага пісьменніка - Васіля Віткі.

Гэта быў літаратурна-пазнавальны калейдаскоп "Усе колеры вясёлкі".

 Чаму вясёлка? Вядома ж таму, што Вітка заснаваў вядомы дзіцячы часопіс "Вясёлка" і 17 год быў яго галоўным рэдактарам.  Прачыталі верш "Вясёлка на вадапоі".

 Разам з бібліятэкарамі ў садок падалася і Мудрая Сава. Яна ведае шмат цікавага і пазнавальнага. І сёння наша разумніца расказала дзеткам, што за з'ява на небе такая цудоўная - вясёлка, калі яна бывае і чаму яна такая рознакаляровая.

Потым дзеці адгадвалі загадкі Васіля Віткі. Святлана Валер'еўна прапанавала дзеткам пазнаёміцца з... пальчыкамі. І дапамагла ў гэтым пацешка В. Віткі "Пальцы". Вельмі цікавае было знаёмства!